點解你生命中總係有啲悲劇不斷重複發生，屋企人相繼英年早逝或者罹患癌病絕症，搞到你危疾中招瀨嘢，而招惹不幸嘅畫面又一直纏繞住你好似厲鬼咁揮之不去？可能呢個係你嘅課題啊，試下家庭系統排列呀，將你屋企人排序然後睇下有無咩原因導致你不斷受挫，從根本原因著手，你可能會搵到答案。
家庭系統排列係心理諮詢同心理治療領域一個新科學療癒方法，由德國著名心理治療師 Mr Bert Hellinger 海靈格先生，經過30年將唔同療法完全融合而發展出來 。家庭系統排列能更清楚睇到問題根源，並從人嘅內在開始轉變，而且喺歐美國家盛行已久，經常運用喺團體或個別諮詢領域。
家庭系統排列係種呈現自身狀況嘅現象學，每次排列都會呈現真相，真相有時係未知，又或已知但未被相信。透過排列，我們可學習到並非源自頭腦嘅思考分析，而係直接體悟。排列俾我地用新角度去遇見愛，無論過去我地經歷左D咩，只要我們睇到同理解背後真正原因，不再困喺局中，就能活得輕鬆，俾愛重新流動。
家庭係我們人生道場，亦係我地最需要歸屬嘅地方。無論我們同家人關係如何，都唔能改變我地家中嘅身份。每個人都有一個姓氏，由出生起已經擁有，我們唔需要爭取、唔需要付出，而係必然歸屬這個姓氏，所以任何人無論做過咩，都屬於自己家族，放下自責或者對別人責備，好好回歸自己既位置。
團體家庭系統排列分別有個案同旁觀。個案處理自己現時問題，令心靈嘅隱藏動力 (集體潛意識) 從黑暗浮現到光明中，當我們睇到呢個動力，諒解同尊重背後嘅愛，系統會恢復平衡。個案本身以及整個家族都會釋放，家族成員都重獲自由。而這隱藏動力唔會再代代相傳，如你有留意，很多時家族會重覆發生一些事，就係源於這份動力。
Comments